مەرجەکانی بەکارهێنان

١. پەسەندکردنی مەرجەکان

بە بەکارهێنان و دروستکردنی هەژمار لە سیستەمی "کلیل"، تۆ ڕازی دەبیت بەم مەرج و ڕێنماییانەی خوارەوە. ئەگەر ڕازی نیت بە هیچ بەشێک لەم مەرجانە، نابێت سیستەمەکە بەکاربهێنیت. ئەم مەرجانە پەیوەستن بە یاسا بەرکارەکانی هەرێمی کوردستانی عێراق و دامەزراوە فەرمییەکانی وەزارەتی داد و وەزارەتی شارەوانی و گەشتوگوزار.

٢. مەرجەکانی بەکارهێنان و تۆمارکردن

بەکارهێنەر دەبێت خاوەنی مۆڵەتی فەرمی بەڕێوەبردنی نووسینگەی خانوبەرە بێت لە لایەن حکومەتی هەرێمی کوردستانەوە. هەژمارەکە تایبەتە بە کەسێک و نابێت بدرێت بە کەسی تر. بەکارهێنەر بەرپرسیارە لە پاراستنی ناوی بەکارهێنەر و وشەی نهێنی خۆی. هەر چالاکییەک کە لە ژێر هەژمارەکەدا ڕووبدات، بەرپرسیاریەتییەکەی دەکەوێتە سەر خاوەنی هەژمارەکە.

٣. بەرپرسیارێتی سیستەم

سیستەمی "کلیل" تەنها ئامرازێکی ئەلیکترۆنییە بۆ ڕێکخستن و خێراکردنی کارەکانی نووسینگەکانی عەقارات. سیستەمەکە هیچ بەرپرسیارێتییەکی یاسایی هەڵناگرێت لەسەر:

• ناوەڕۆک و ڕاستی زانیارییەکانی ناو گرێبەستەکان
• کێشە یاسایی و داراییەکانی نێوان کڕیار و فرۆشیار
• نەبوونی مۆڵەتی فەرمی نووسینگەکانی عەقارات
• زیانە دارایی و ماددییەکانی لە بەکارهێنانی سیستەمەوە دەکەوێتە ئاراوە

٤. بەکارهێنانی نایاسایی

بەکارهێنانی سیستەمەکە بۆ هەر مەبەستێکی نایاسایی، ساختەکاری، یان کڕین و فرۆشتنی موڵک و خانووی قەدەغەکراو ڕێگەپێنەدراوە. لە کاتی سەرپێچیدا، هەژمارەکە بەبێ ئاگادارکردنەوەی پێشوو ڕادەگیرێت و زانیارییەکان دەدرێن بە لایەنە یاساییە پەیوەندیدارەکان. هەروەها قەدەغەیە بەکارهێنانی سیستەمەکە بۆ ئەنجامدانی مامەڵەی قەرەبووی نەخواستراو یان قەرەداری.

٥. بەشدارییەکان و پارەی مانگانە

سیستەم لەسەر بنەمای بەشداری مانگانە یان ساڵانە کاردەکات. نرخی بەشداری و ڕێکارەکانی پارەدان لە کاتی تۆمارکردندا ڕوون دەکرێنەوە. ئەگەر بەکارهێنەر لە پارەدانی بەشداری خۆی دواکەوت، سیستەم دەتوانێت هەژمارەکە ڕابگرێت هەتا پارەدانی دواکەوتوو تەواو بکرێت. پارەی بەشداری گەڕانەوەی نییە دوای ئەوەی هەژمارەکە چالاک کرا.

٦. ڕاگرتنی هەژمار

سیستەم مافی ڕاگرتنی هەژماری هەر بەکارهێنەرێکی هەیە لە حاڵەتەکانی خوارەوە:

• سەرپێچی یەکێک لە مەرجەکانی بەکارهێنان
• دواکەوتنی پارەدانی بەشداری بۆ ماوەی ٣٠ ڕۆژ لەسەر یەک
• بەکارهێنانی سیستەمەکە بۆ چالاکی گوماناوی یا ساختەکاری
• داواکاری فەرمی لە لایەن دادگا یان دامەزراوە فەرمییەکانەوە

٧. پاراستنی داتا و زانیارییەکان

سیستەمی "کلیل" پابەندە بە پاراستنی زانیارییە تایبەتی و بازرگانییەکانی بەکارهێنەران. هەموو زانیارییەکان بە شێوازی encryption پارێزراون و بەرامبەر دەستگەیشتنی نایاسایی پارێزراون. زانیارییەکان نادرێن بە هیچ لایەنێکی سێیەم مەگەر بە ڕەزامەندی نووسراوی بەکارهێنەر یان بە داواکاری فەرمی دادگا نەبێت.

٨. چارەسەرکردنی کێشەکان

هەر کێشە و ناکۆکییەک کە لە بەکارهێنانی ئەم سیستەمەوە بێتە ئاراوە، سەرەتا لە ڕێگەی نێوەندگیری (mediation) چارەسەر دەکرێت. ئەگەر نێوەندگیری سەرکەوتوو نەبوو، کێشەکە لە ڕێگەی دادگاکانی هەرێمی کوردستانی عێراقەوە چارەسەر دەکرێت بەپێی یاسا بەرکارەکان. ئەو زمانەی بۆ چارەسەری کێشەکان بەکاردەهێنرێت زمانی کوردی و عەرەبیە.

٩. گۆڕانکاری لە مەرجەکان

سیستەم مافی گۆڕانکاری لەم مەرجانەدا لە هەر کاتێکدا بە خۆیەوە هەیە. بەکارهێنەر لە ڕێگەی ئیمەیڵ یان لە ڕێگەی سیستەمەوە ئاگادار دەکرێتەوە لە گۆڕانکارییەکان. بەردەوام بوون لە بەکارهێنانی سیستەمەکە دوای ئاگادارکردنەوە، بە مانای ڕازیکردنە لە گۆڕانکارییەکان.

١٠. پەیوەندی

بۆ پرس و ڕوونکردنەوەی زیاتر دەربارەی ئەم مەرجانە، دەتوانیت پەیوەندیمان پێوە بکەیت لە ڕێگەی:

• ئیمەیڵ: [email protected]
• ژمارەی مۆبایل: +964 750 000 0000

سیاسەتەکانی پارەدان و گەڕاندنەوەی نێودەوڵەتی

بۆ دڵنیابوون لە گونجان لەگەڵ پرۆسێسەرەکانی پارەدانی نێودەوڵەتی وەک PayPal و Stripe، ئەم سیاسەتانەی خوارەوە جێبەجێ دەبن بەسەر هەموو ئەو مامەڵانەی لە ڕێگەی سیستەمەکەمانەوە ئەنجام دەدرێن.